Երկար տարիների աշխատանքային փորձը թույլ տվեց այս ուսումնական տարին սկսել նորովի` աշխատանք նախագծերով, նոր բարձունքների հաղթահարում, նոր մրցաշարեր, հետաքրքիր ու արդյունավետ ճամփորդություններ…
Դասվանդում եմ միջին և կրտսեր դպրոցներում բասկետբոլ մարզաձևը:
«Վահան Ասատրյան մրցաշար» նախագծի շրջանակներում կրթահամալիրում անցկացրել ենք բասկետբոլի առաջնություն, որին մասնակցել են չորս տարբեր թիմեր: Արդյունքում կրթահամալիրի հավաքական թիմը գրավել է պատվավոր հորիզոնականը` առաջին տեղ:
Մասնակցություն եմ ունեցել «Վազքարշավ` նվիրված Վահան Ասատրյանին» նախագծին:
Մի խումբ մարզիկների ու մարզիչների հետ մասնակցել եմ «Վահան Ասատրյան բարձունքի հաղթահարում» նախագծին:
Կրթահամալիրի բասկետբոլի հավաքական թիմով մասնակցել եմ Երևան քաղաքի բասկետբոլի առաջնությանը:
Էլ ինչ մարզիչ, առանց ճամփորդությունների: Ամենատպավորիչը Աղավնաձորի խաղողհավաքն էր, որը սովորողներին տվեց բավականին շատ տեղեկություն խաղողի և գինու պատրաստման նոր տեխնոլոգիաների մասին:
Ծառատունկ նախագծի շրջանակներում կյանքի կոչվեց «Վահան Ասատրյան» պուրակը, որին մասնակցել եմ շատ սիրով և ունեմ իմ ներդրումը:
Ճամբարային օրերն անցել են շատ հետաքրքիր և հագեցած: Իրականացրել եմ մի քանի նախագծեր, կազմակերպել եմ միջդասարանական խաղեր:
Պատրաստվում եմ իրականացնել նոր նախագծեր, սպորտային նորանոր մրցաշարեր:
Մարզական բլոգ 