Ուսումնամարզական ճամփորդություն դեպի Օլիմպիական մարզաբազա` Ծաղկաձոր
Նախաբան
Սովորողները նախապես համացանցից օգտվելով ծանոթանում են օլիմպիական մարզաբազայի պատմությանը, պատրաստում են ուսումնական նյութ, որը տեղադրում են իրենց բլոգերում:
Ճամփորդությունը կատարվելու է երեք փուլով `
1. Երթևեկություն դեպի մարզաբազա
2. Ծանոթացում մարզաբազայի կառույցներին` անհատապես այցելելով բոլոր մարզահամալիրները, տեղեկանալ հետագա պլաններին, քանի մարզիկ է տարեկան մասնակցում հավաքներին, և արդյոք դա նպաստում է մրցումներում լավագույն արդյունքներ ցուցաբերելուն:
3. Վերադարձ` քայլարշավով դեպի Ծաղկաձոր քաղաքի հանրակրթական դպրոց, գրքերի նվիրատվություն, ծանոթացում կրթահամալիրին և տեղեկատվական թերթիկների բաժանում:
Նախագիծը նպատակ ունի`
ա. Ծանոթացնել «Մխիթար Սեբաստացի» կրթահամալիրի մարզական ակումբի հավաքական թիմերի մարզիկներին Հայաստանի Հանրապետության ամենագլխավոր Օլիմպիական մարզակառույցի հետ, որը հանդիսացել և հանդիսանում է կարևոր մարզաբազա, որտեղ պատրաստվում և ուսումնամարզական հավաքներ են անցկացնում Հայաստանի և տարբեր երկրներից ժամանած հավաքական թիմերը:
բ. Ծանոթացնել բարձրակարգ մարզիկների առօրյաին, մարզումներին, մարզիկների կենցաղին, մարզման մեթոդներին և միջոցներին, բեռնվածության և հանգստի օրակարգին:
գ. Ոգևորել մեր մարզիկներին, ներկայանալ և մասնակցել մարզումներին և մրցումներին ավելի ակտիվ, ստեղծելով նախադրյալ, ապագայում նրանց ընդգրկել ՀՀ հավաքական թիմեր:
Մարզաառողջարարական կենտրոն